湯品小棧 (已結業)

由4月头到5月，因为朋友生日，屋企人又劲多聚会，不断食好西，真系要食清d平衡下。饮热汤既暖胃又唔滞就啱矖。之前发现呢间汤品店，至今已经帮衬第三次，足料炖汤有好多款比你简，种类多，汤底多款式，无味精，又健康。今次拣左玛卡炖汤，因为见到可以增强耐力，增强体力，增强免疫力！真系好啱经常Ot嘅我。炖汤咸鲜味适中，饮晒都唔会口渴！另外，我最钟爱系呢度嘅黑松露炖蛋，蛋嘅滑度好似加左鲜奶咁样，而且调味料里面完全冇落盐，一个非常满足而健康嘅晚餐。价钱尚算公道，而且服务员的服务态度值得嘉许。态度好亲切，令人地都好想再返嚟。