Sprout Organic and Natural Cafe (已結業)

我本身一早约左朋友系中环食午饭，点知临时甩底。急忙再另揾朋友食晏，于是改左黎呢间餐厅，因为我买左呢间团购，应该最少一天前要订位，老板好好，我冇订位都照比我同朋友享用午餐。我地拣左1份餐汤、1份田园沙律; 有机野米饭配沙乐美肠、樱桃茄、火箭菜伴蕃茄汁同有机野米饭配野菌鸡肉伴红酒忌廉汁，仲有2樽有机红菜头汁。先讲是日餐汤，酸酸地o既疑似忌廉汤，怪怪地，或者我饮唔惯D有机汤卦?!至于田园沙律，其实真系唔错，可惜系用汤碗载住，整到好似一堆咁，似好似系牛咁食草，我谂用碟上会好D。沙律唔系落沙律酱，而系落醋，酸酸地，都OK!有机野米饭配野菌鸡肉伴红酒忌廉汁都唔错，又大碟，有机野米饭有D似意大利饭，QQ地，配上忌廉汁好易入口。鸡肉切成一小口，唔会太大件，一口一件，大小恰到好处，亦唔多觉有雪藏味。我唔记得问朋友佢果份有机野米饭配沙乐美肠、樱桃茄、火箭菜伴蕃茄汁味道如何?!最后，就系有机红菜头汁，原来红菜头系护肝食物首选，且有丰富铁质，加上纤维极高，能帮助消化，促进肠胃蠕动。虽然红菜头汁咁有营养，我饮唔惯，淡左少少。值得推介再食，够晒有营养、健康。