紅火鮮料火鍋專門店

营业中

休息中

天气冻最岩打边炉，兆万呢栋商厦已经好有几间火锅店，我地就随机拣左其中一间。汤底有超过10款选择，而且仲有d养生健康既汤底，所以唔怕拣唔到，我地最后拣左玉米鲜猪骨煲。个汤底真心不得了，猪骨都有3大旧，可谓落足料。味道直头好似系屋企食既咁，好有住家feel。酱料系酱料bar度自己拣，都几齐全。配料选择都几多，粗略估计应该超过50款。当中推介手打蟹籽墨鱼滑、蟹籽鲜虾滑同鲜虾丸，由于系自家制手打既关系，D滑超弹牙，而且好重鲜味，好似一次过食左好多只虾咁。不得不提系d玉米，非常甜，我相信个汤底系帮左好大忙。加少少钱仲可以任叫鱼生，三文鱼等基本款系有既，味道呢个价钱有呢个质素算系咁。饮品柜选择都几多，而且竹蔗茅根都系免费任拎。甜品仲有小时候成日食既吱吱冰，非常怀念。如果系著重养生同健康，我个人觉得呢间系个几好选择。