博多拉麵別天神 (已結業)

今日 去旺角行完街，经过山东街，有间拉面店好似日本装修咁。得几个座位，对住厨师。仲要有部智能售卖机 用8达通俾钱，认真方便！成个环境都好似营造到好似日本咁。等左一阵位，我同朋友就点左两碗面一个系 别天神套餐$105一个 限定虾味增猪骨汤面$85别天神套餐 除左有猪骨汤面 仲有4只饺子同小龙虾蟹子沙律猪骨汤汤底 店铺标榜 100%猪骨同水 煮成 。冇牛奶同味精系入面饮落啲汤真系唔会愈饮愈口渴，而且真系好有猪骨嘅香味同埋个质地冇咁奶质，而且冇咁咸。面条方面煮得爽口，条条分明。叉烧肥瘦适中，流心蛋食落甜美。饺子系用菜同猪肉制作而成，饺子皮煎得脆而且馅料多汁。小龙虾蟹子沙律，师傅话用紫菜包住嚟食。蟹子同沙律酱味道比较出，食落就好似食紧蟹子沙律𠮶种感觉，冻冰冰都几啱夏天食。至于朋友食嘅虾味增猪骨汤面，汤底比猪骨个款浓啲。第一口饮落 好有虾味，而且配埋粟米粒，配搭上味道都唔错令到个汤除咗虾味之外仲有粟米嘅甜味喺度。整体来讲，环境都唔错好有日本嘅风格，食物方面尤其系猪骨汤底方面冇味精 ，感觉真材实料。都值得一试！