閨•家 (西九龍中心) (已結業)

嚟开西九龙中心都知闺家呢间餐厅成日大排长龙💛，想试咗好耐，不过我实在太唔钟意排队，老公知我想试，特登早啲嚟排队，终于有得试啦。 一坐低，职员话好多嘢已经卖晒啦😭我最想试嘅香煎莲藕饼都无。最后只能叫咗个真・手撕鸡饭配沙姜汁，香煎猪颈肉，招牌猪扒饭。 香煎猪颈肉：煎得好香口，猪颈肉又好爽口。真・手撕鸡饭配沙姜汁：个手撕鸡好嫩滑，好有鸡味，味道鲜甜，唔算太过肥腻，加埋个沙姜汁送饭真系一流。 招牌猪扒饭🐷：果然系招牌，完全无令我失望，猪扒好腍，肉质松软，仲有个秘制酱汁。 叫任何饭餐仲有老火汤送，呢个系苹果红萝卜沙参煲咸排骨，降火润肺，最紧要系无味精。 除咗老火靓汤无味精，其他食物亦标榜无味道，难怪咁多人帮衬。