可可豬海南雞專門店 (寶榮大廈) (已結業)

今日要去炮台山附近做嘢，搞掂晒都已经接近 3pm，有人提议嚟呢间之前帮衬过嘅海南鸡专门店买外卖。翻查返手上嘅资料，原来对上一次嚟已经系一年前嘅事，时间过得真快。无嚟咁耐，唔知菜牌有无唔同咗呢？果然加入咗几款新菜式，除咗主打嘅椰香海南鸡饭、首创嘅竹丝鸡饭外，仲有黑蒜酱烧猪软骨、宫廷药膳汤米粉等，另外亦有小食、蔬菜及饮品等供应。点咗两个饭，另外再加咗麻辣鸡肾同菜心苗。惊叹黑蒜酱烧猪软骨配白饭 ($58)：猪软骨好大件，份量都几多，肉质非常松化，而且煮得好入味，加上以抗氧化能力出众嘅黑蒜炮制，食落浓而不腻，超惹味！麻辣鸡肾 (+$22) 鸡肾非常爽口，麻辣汁捞得好入味，辣度亦恰好，用嚟过下口瘾，挺不错，开胃惹味。特色椰香海南鸡饭 ($43) 亦保持到水准，一打开盒饭就已经闻到阵阵椰香。鸡件有油光，厚肉富弹性，嫩滑有鸡味，而鸡皮亦爽口甘香。米饭圆润，粒粒分明，烟韧有咬口， 配埋酸咪咪嘅萝卜丝吃，特别开胃。有饭梗系要有菜，盒菜心苗 ($22)  新鲜翠绿，味道鲜甜，食到菜既甜味，唔错。