杏甜品 (豉油街) (已結業)

黎到旺角食完Dinner，当然唔会放过食甜品的机会，今次就拣左杏甜品。呢度顾名思义出名系杏汁甜品，但其实都仲有好多款式，而我几钟意佢无添加同埋低糖，加埋用健康食材，相对上可以减低我的罪恶感又满足到食糖水的欲望。今次就试左呢度出名的杏汁桃胶芋圆木莲冻，呢度的杏汁用龙皇杏，杏仁味较重，而木莲冻坊间比较少用，平时通常用开仙草冻。木莲冻能够清热降火，入口即化。而桃胶煮得比较淋，加上采用细粒的芋圆，两者都较容易入口。整体味道唔算太甜，加上配料唔算太重味道，杏仁的味道相对比较浓，感觉比其他糖水健康。另外因为我本身系榴梿Fans，所以忍唔住手叫左榴梿汤圆。糖水系桂花糖水，唔太甜但带出淡淡桂花味，而惊喜的系汤圆，榴梿馅超鲜甜，肯定唔系人工后加的甜味，证明拣选的榴梿肉质素好好，先做出呢种自然而浓郁的甜度，如果系榴连Fans唔可以错过！