影片
更多
2015-09-20
2188 浏览
有次搭车经过望向上面，发现左铜锣湾某街有间落地玻璃设计既餐厅，心谂食lunch可以望下景都唔错㖞，原来就系Gaba Concept，衬住星期五就黎帮衬一下。黎到发现仲未正式开门，原来系开12点半，但都俾我地坐低，即刻拣左窗口位。环顾四周，除左有唔少特色摆设，后面仲有个小角落放左好多咖啡书，就知道咖啡都系主打之一。Lunch set $60可选三𩠌，$70可选4𩠌，跟餐送一杯咖啡或茶，同一件小甜品。唔只𩠌菜选择多，仲分左热盘同冷盘，非常有心思！今次我拣左青咖哩鸡、青瓜烘蛋饼同薯仔四季豆沙律，跟班兰蒸饭。野饮方面都以咖啡为主，可选cuppucino/latte/flat white/black coffee/white coffee/tea，我就点左一杯latte。送餐时间会比较慢少少，因为店入面只有老板同老板娘（如果冇估错的话😂），如果你赶时间的话就唔太适合了。第一时间试左饭先，饭面仲有班兰叶响中间，闻落已经有阵阵叶既香味，食落系比较硬少少的，因为加左糙米，我自己好钟意！然后试青咖哩鸡，原来加左非常健康既秋葵，青咖哩香味同咸味都好够，用汁捞饭非常好食。青瓜蛋饼卖相已经好吸引，有两片青瓜响
有次搭车经过望向上面，发现左铜锣湾某街有间落地玻璃设计既餐厅，心谂食lunch可以望下景都唔错㖞，原来就系Gaba Concept，衬住星期五就黎帮衬一下。
黎到发现仲未正式开门，原来系开12点半，但都俾我地坐低，即刻拣左窗口位。环顾四周，除左有唔少特色摆设，后面仲有个小角落放左好多咖啡书，就知道咖啡都系主打之一。
Lunch set $60可选三𩠌，$70可选4𩠌，跟餐送一杯咖啡或茶，同一件小甜品。唔只𩠌菜选择多，仲分左热盘同冷盘，非常有心思！
今次我拣左青咖哩鸡、青瓜烘蛋饼同薯仔四季豆沙律，跟班兰蒸饭。野饮方面都以咖啡为主，可选cuppucino/latte/flat white/black coffee/white coffee/tea，我就点左一杯latte。
送餐时间会比较慢少少，因为店入面只有老板同老板娘（如果冇估错的话😂），如果你赶时间的话就唔太适合了。
第一时间试左饭先，饭面仲有班兰叶响中间，闻落已经有阵阵叶既香味，食落系比较硬少少的，因为加左糙米，我自己好钟意！然后试青咖哩鸡，原来加左非常健康既秋葵，青咖哩香味同咸味都好够，用汁捞饭非常好食。青瓜蛋饼卖相已经好吸引，有两片青瓜响表面，仲落左少少香草响蛋入面，食得出冇太多调味，但因为有香草味所以一d都唔觉得淡。冷盘薯仔四季豆沙律用左醋汁调味，所以酸酸甜甜好开胃，薯仔煮得好够淋而且四季豆都保持到爽口。
食完仲有一件小小既蛋糕仔，系味道较清淡既海绵蛋糕，但配返红莓酱就岩岩好。
咖啡相对黎既时候比较多，食完甜品后都等左一阵先到，但就可以睇到老板娘冲咖啡，系用明治奶冲既，奶泡打得好滑而且拉花拉得好好，冇沥味亦都唔苦，好有水准。
从食材既运用就知道老板既心思，食物既配搭非常新鲜，主打低糖健康既菜式，其实无论系素食者定普通人都可以试试，间中体验一下健康生活。
张贴
