影片
更多
2018-05-10
1116 浏览
Mr. C 一直都想黎呢度试下佢啲饺子，所以𠮶日放工就过黎食！铺头比较细，我谂最多可以有15个人啦。位都比较窄，所以都keep住见有人买外卖走。我哋大概7点多到，见有位，就堂食啦！手撕鸡菠菜面 $45虽然唔知点解我堂食但都系俾外卖盒，总系觉得好似好浪费咁。个手斯鸡味道几好，捞麻油芝麻油，好香口。鸡肉都唔错，唔鞋口，够滑身。而且捞咗啲青瓜凉菜，十分开胃。唯一系呢个应该系冷盘，但放咗系热面上，变得唔冷唔热咁。另外菠菜面质软硬适中，唔太腍，口感不错。番茄猪肉饺子10只 $42; 白菜猪肉饺子10只 $42; 另加+$8 菠菜面番茄猪肉饺子：我觉得呢个饺子比较"散"。可能因为番茄出水。亦有可能因为呢度每一只饺子都好有分量，好大粒，所以容易“穿”或者“散”。味道方面，微酸嘅蕃茄令饺子冇咁腻。外皮就唔算好薄，接口位比较厚，但都可以接受。白菜猪肉饺子：Mr. C中意食番茄猪肉，我就中意传统啲既白菜猪肉饺子。呢个冇番茄猪肉𠮶个咁“散”，味道唔错。而且白菜分量比较多，感觉好健康。点埋呢度既辣酱、醋等浆料，一流！食到一半，真系好热。食物又热，间铺头又热。完全唔觉得有冷气，只有一个好似风扇既物体。而且啲人出
铺头比较细，我谂最多可以有15个人啦。位都比较窄，所以都keep住见有人买外卖走。
我哋大概7点多到，见有位，就堂食啦！
手撕鸡菠菜面 $45
虽然唔知点解我堂食但都系俾外卖盒，总系觉得好似好浪费咁。
个手斯鸡味道几好，捞麻油芝麻油，好香口。鸡肉都唔错，唔鞋口，够滑身。而且捞咗啲青瓜凉菜，十分开胃。
唯一系呢个应该系冷盘，但放咗系热面上，变得唔冷唔热咁。
另外菠菜面质软硬适中，唔太腍，口感不错。
番茄猪肉饺子10只 $42; 白菜猪肉饺子10只 $42; 另加+$8 菠菜面
番茄猪肉饺子：
我觉得呢个饺子比较"散"。可能因为番茄出水。亦有可能因为呢度每一只饺子都好有分量，好大粒，所以容易“穿”或者“散”。味道方面，微酸嘅蕃茄令饺子冇咁腻。外皮就唔算好薄，接口位比较厚，但都可以接受。
白菜猪肉饺子：
Mr. C中意食番茄猪肉，我就中意传统啲既白菜猪肉饺子。呢个冇番茄猪肉𠮶个咁“散”，味道唔错。而且白菜分量比较多，感觉好健康。点埋呢度既辣酱、醋等浆料，一流！食到一半，真系好热。食物又热，间铺头又热。完全唔觉得有冷气，只有一个好似风扇既物体。而且啲人出出入入又唔关门，店员又冇帮手关门，食得真系有点不爽。下次点都一定叫外卖。
另外我谂我哋叫得太多。。。哈哈
下次都系叫小个面或者10只饺子双拼。
张贴
