2DP (已結業)

想食甜品，但又未食晚饭，所以黎到厚福街的 2DP，之前已经成日见到有朋友黎依度食冰打哂咭咁，但原来依度都有正餐食，仲要系素食，都好，偶然食返一两餐无肉饭都健康D。餐厅细细的，但非常光猛，同埋已经贴好哂圣诞装饰了。点左牛肝菌意式大麦饭，上枱时连埋煲盖，保持温度。大麦饭的饭粒好特别，大大粒又好有咬口，加上小小芝士粉，可以变得更香但又唔会食到漏，牛肝菌的菇味浓，好香口。饮品点左泡沫奶茶，可能为左响应环保，无饮管的，成杯饮又有另一番风味。一入口饮到香滑的泡沫，之后就饮到香浓又滑的奶茶珍珠另上，可以按喜好落，有少少黑糖味，令奶茶的口感及层次更佳。重点系新鲜蜜瓜碗农场牛乳刨冰，半个蜜瓜，好靓。蜜瓜熟哂，好甜好香，仲好多汁，而农场牛乳刨冰同一般刨冰唔同，因为佢好绵，又滑，好似粉咁，整体好香好清新。健康简单的一餐。