影片
更多
2022-10-11
115 浏览
呢两年每逢初一、十五都会食素，今晚就同屋企人嚟到位于油麻地嘅 「心里有素」食素buffet。晚市$128/位，长者减$10，无收加一。平日午市亦都只系$78，咁抵食唔怪之咁多人！*值得一提：食物不含有五辛：葱、大蒜、小蒜、韭菜、洋葱，但会有鸡蛋。地方不大，但有成二十多款素食，亦refill得快：有沙律、水果、冷盘、炸物、老火汤、粟米粥、面、饭、番薯、粟米、杂菜，种类颇多，全部有玻璃盖覆实，既卫生又保温。粥清甜，饮品无落糖所以十分低糖健康。冷盘之中凉皮烟靭少少麻辣，粉皮比平常的更厚和大块；蕃茄鲜甜配埋个甜酸凉拌汁好醒胃。推介：黑松露蒸水蛋香滑，加上黑松露好香口。菠萝咕噜合桃都系抢手货，所以职员首先会每枱送上。入口咬落松化酸甜，会追食，有惊喜！炸物有炸南瓜、炸番薯、炸杂菇，完全唔油腻，十分香脆可口。芋头酥外层带甜，入口香糯。其余仲有干烧伊面、千岛蕃茄炒蛋、西兰花、干煸四季豆、茄子等，全部菜式极少油，好健康！最后仲有$20 甜卡，卡不记名，可以食到28个甜品，每次光顾每人可享一款甜品，今晚我地有《 燕窝炖奶 》及 《焦糖炖蛋 》。燕窝份量好多，炖奶微甜弹滑；焦糖炖蛋，好香甜。呢度素食选择算多
呢两年每逢初一、十五都会食素，今晚就同屋企人嚟到位于油麻地嘅 「心里有素」食素buffet。
晚市$128/位，长者减$10，无收加一。平日午市亦都只系$78，咁抵食唔怪之咁多人！*值得一提：食物不含有五辛：葱、大蒜、小蒜、韭菜、洋葱，但会有鸡蛋。
地方不大，但有成二十多款素食，亦refill得快：有沙律、水果、冷盘、炸物、老火汤、粟米粥、面、饭、番薯、粟米、杂菜，种类颇多，全部有玻璃盖覆实，既卫生又保温。
粥清甜，饮品无落糖所以十分低糖健康。
冷盘之中凉皮烟靭少少麻辣，粉皮比平常的更厚和大块；蕃茄鲜甜配埋个甜酸凉拌汁好醒胃。
推介：
黑松露蒸水蛋香滑，加上黑松露好香口。
菠萝咕噜合桃都系抢手货，所以职员首先会每枱送上。入口咬落松化酸甜，会追食，有惊喜！
炸物有炸南瓜、炸番薯、炸杂菇，完全唔油腻，十分香脆可口。芋头酥外层带甜，入口香糯。
其余仲有干烧伊面、千岛蕃茄炒蛋、西兰花、干煸四季豆、茄子等，全部菜式极少油，好健康！
最后仲有$20 甜卡，卡不记名，可以食到28个甜品，每次光顾每人可享一款甜品，今晚我地有《 燕窝炖奶 》及 《焦糖炖蛋 》。燕窝份量好多，炖奶微甜弹滑；焦糖炖蛋，好香甜。
呢度素食选择算多，$128食得健康又饱肚！
张贴
