素食一家 (已結業)

是日农历十五，朋友要斋戒，佢带我黎 素食一家。凉拌海蜇手丝鸡(右下)开胃冷盘小菜，海蜇食落先知系蒟蒻整，好爽口，又有红萝卜丝&青瓜丝&素鸡肉丝，捞埋芝麻，真系会食唔停。酸辣烩素翅 (细）(左上）朋友推介素翅，料几足，有木耳、红萝卜丝，真系酸辣并齐，味道比起真翅味道更重。松子黑松露炒饭(右上）一款好健康炒饭，素食菜式，红萝卜一定系主脚，几乎道道菜都有佢份，炒饭有黑松露带出香味，有松子&粟米，令炒饭好有咬口。莲藕果仁四蔬(左下）外貌好似炒咕噜肉，莲藕几爽口，酸酸甜甜，做法几新颖。餐厅环境几舒适，又有玄米茶饮，总体而言好满意。