Pheromone Dessert (已結業)

啱啱为新一季优秀开饭热店大赏投完两轮票，小肥同契妹两只为食猫就衬周末得闲，专登走咗过去旺角条甜品街度食甜品。二人其实一早已锁好几间为目标，去到现场先凭其他因素再作筛选，结果当日o既胜出者就系街角有个好抢眼o既粉红色易拉架o既「Pheromone Dessert」。行到去门口先醒觉甜品店门面并非粉红，而系灰蓝，可能相差得太大，一时竟然有啲难以适应。店内白色墙身o既设计，配上头顶上o既水晶吊灯及粉红色o既海报相架，好有公主feel。餐具仲要用上心形系列，好明显食客大多为女生。我地每人先各自叫咗杯冻饮。士多啤梨奶昔（$39）：奶昔面有新鲜o既士多啤梨果肉，味道清香，但只属微甜，虽然饮落好健康，不过如果可以甜返少少效果应更佳。不知道从那天起已渐渐爱上抹茶甜品，眼见餐牌上除咗有多款单点抹茶甜点之外，仲可以拣选包咗多项o既拼盘，咁唔洗多谂梗系叫个拼盘黎分啦！抹茶精选（$108）：个人觉得软滑微甜o既果冻虽然最唔靓，但却为最清香。厚厚o既两件窝夫外脆内软，不过由于本身冇乜味，食时要配合埋冻冻o既雪糕或心太软内o既熔岩先最好味。心太软虽属拼盘中最甜o既一款，但甜度并不过火，最重要系个馅心的确软滑流心，