Café & Meal Muji

营业中

休息中

MUJI cafe系我行街嘅食堂之一。只要去到一个商业区有分店嘅我就会考虑食佢。呢间喺奥海城二期嘅muji cafe系众多连锁店舖入面体验较好嘅，座位相对阔落，布置格局都令人舒适，食物质素都唔错。我一般都会点三品或者四品套餐。今次点咗四品，有两冻食两热食加埋谷饭同味噌汤。套餐入面最浓味嘅当数味增汤，其余嘅相当清淡，啱晒我同屋企人嘅口味。我钟意呢度食物配搭多样、营养均衡、烹调手法健康、食材较为天然（但系对于重口味嘅人嚟讲可能会觉得淡无无未必食得惯）。我一般最尾都例牌加返个抹茶芝士蛋糕做甜品，HK$35跟餐好抵食。蛋糕嘅用料系坚嘢，食得出抹茶特殊嘅香味。浓度甜度、饼底加埋红豆嘅应衬都系啱啱好，食完齿颊留香。喺香港以咁嘅价钱食到呢种质素嘅抹茶芝士蛋糕，真系一大幸事。今次美中不足嘅系睇到有个员工冇带口罩，仲一路配餐一路口水花喷喷同隔离左右嘅同事倾偈。唔讲卫生，影响专业同感观，需要改进。