好茶養生 (MOKO新世紀廣場) (已結業)

同朋友行咗阵街已经好攰，难得有个地方坐下，决定喺度休息下，食个下午茶。当年结婚嘅时候就有谂过用好茶养生嘅茶包做回礼，估唔到一眨眼过去，短短几年间佢已经有自己嘅门市卖茶饮同雪糕甜品。饮品方面主打养生茶饮，选择唔算多，另外亦有少量甜品同意式雪糕。蛋糕虽然选择唔多，但胜在系独立包装，感觉干净卫生。自选杯装饮品配花茶蛋糕有优惠价，我哋各自拣咗一杯饮品同一份甜品。既然品牌主打养生茶饮，当然唔可以放过佢嘅皇牌产品，餐牌上面嘅几款中式养生茶都好适合女士，问完店员关于养生茶嘅成份之后，我拣咗佢嘅气血茶。一打开盖顿时令人少女心爆发，一朵朵嘅干花浮现喺水面，鲜艳夺目，有桂圆、枣片、千日红、康仙花、金盏菊、金边玫瑰同黑枸杞，超级足料，有补血补气同暖宫驱寒嘅功效，而且味道清甜，容易入口。朋友拣咗水果茶，冻饮俾我嘅热饮大杯少少，果味香浓，甜度适中，鲜果份量亦唔少。甜品方面我拣咗红莓慕丝，蜜桃色嘅外表非常可爱。蛋糕嘅红莓味非常突出，中间仲有香浓嘅果冻夹心，酸酸甜甜，非常清新。朋友对蛋糕冇乜兴趣，所以拣咗伯爵茶雪糕，我浅尝一啖，有意外嘅惊喜，雪糕质感幼滑，伯爵茶味道非常香浓，加上甜度唔高，好感度爆灯！有时出街总系想