阿杏飯團 (富華中心商場)

营业中

休息中

阿杏饭团有好多分店，每次去荃湾行街都会帮衬。尤其系夏天咁热嘅天气，食个饭团同冻饮，其实好舒服。首先讲下名古屋鳗鱼饭团，呢只饭团真系好正，饭团本身就好好食，系紫米，所以饭粒饱满得黎又有嚼劲，鳗鱼系外脆内软，带少少甜味，再配上淋咗酱油嘅鳗鱼汁，味道更加浓郁，真系好食。咸蛋鸡扒饭团，呢个饭团仲未食就已经闻到香味扑鼻，打开一睇，啲鸡扒好满，咸蛋同埋啲香口脆脆，好嫰滑，口感层次丰富，味道好香浓，而饭团都好饱满，啲米粒都吸收咗啲肉汁，非常好食。饭团配饮品系有优惠，橙意满满同四季柠檬茶。橙意满满味道清香，唔会太甜，适合唔想饮太甜嘅朋友，同埋加咗新鲜橙肉同橙皮，有啲微微嘅苦味，好开胃。而四季柠檬茶就好嚟，酸酸甜甜，唔会太重口味，而且茶味同柠檬味都好够，饮落去好解渴，啱晒炎热嘅夏天。