Tea Library (已結業)

作为一台茶爱好者，最近实在有太多台式店出现啦，饮过几次黑糖珍珠奶茶，感觉成个人肿左成个圈阿，今次听朋友讲中环有一间与别不同既茶店，特别健康同天然㖞。去到铺头前面，个装修都几骨致，个环境都几舒服，不过一向对健康同天然呢2个字，我自己本身都标签左味道麻麻既感觉，望住个menu，无乜太大期望之下，突然比我见到有士多啤梨既茶，就特别醒神，咁就系咁而叫左杯芝士草莓极品铁观音。当日有几枱客人，多数系年轻人为主，咁由比钱到拎到杯野饮既同时，欣赏下周边既环境，佢地好似主打不同既茶叶，同一般台茶店唔同既系佢地主打既好似系中国茶，分别系高山乌龙，铁观音，25年珍藏既普，重有唔记得咩龙珠等等，感觉上都几特别。攞左杯野饮果时，一开始觉得$48都几贵下，但睇真d，杯野饮都几大杯，即刻谂起生果档一杯橙汁都成$20果时，感觉特超所值阿，未饮之前，都几期待嫁XD奶盖有好香既芝士味同淡淡既咸味，同出面唔同既系一般都系用果酱来代替，而佢地杯底有新鲜既士多啤梨打碎左既果肉，鲜甜而不带点酸溜，真系耳目一新阿，好少饮得哂成杯手摇茶既我，竟然慢慢就咁饮哂成杯，叹茶之余重好似食左新鲜水果咁，最后，天然健康同味道可以做得咁出色，赞阿