Silver Lining

营业中

休息中

周末同个女上完playgroup，见到附近有间睇落好chill嘅cafe，于是决定入去试下，结果呢间餐厅令我超级惊喜！首先讲下佢哋嘅「无骨鸡上髀意粉」。佢哋嘅鸡上髀用料真系好靓，好明显系选用高质素嘅鸡肉，肉质嫩滑，鲜甜多汁，无任何雪藏嘅腥味，真心好食！至于意粉亦煮得啱啱好，够哂弹牙，唔会太腍亦唔会太硬，仲吸收晒pesto酱嘅香气，香浓但唔会腻，每一啖都可以感受到厨师用心嘅功夫，令人非常满足，一试就停唔到口，我个女咁腌尖都食晒成碟！为左可以试多款，我同女一人叫一个main share食，另一款「豚肉生姜烧饭」都系必试之选！豚肉煮得啱啱好，保持咗肉质嘅嫩滑同鲜味，同时冇半点油腻感，感觉好健康。配搭生姜一齐煮，生姜完全渗入豚肉入面，唔单止提升咗味道，仲带有一种暖胃嘅效果，非常适合注重健康饮食嘅朋友。粒粒分明嘅白饭吸收晒豚肉汁同生姜香，真系好开胃。再加埋伴菜嘅南瓜、沙律菜，营养均衡，真系一个非常健康又饱肚嘅选择。除咗食物好食之外，餐厅嘅环境都好值得赞，干净整洁，坐得好舒服。总括嚟讲，呢间餐厅真系性价比超高，食物好味、用料新鲜靓、烹调用心，完全系健康美食嘅典范！真心推介，已经好期待再嚟第二次，真