Crusta

营业中

休息中

Crusti Pizza Combo $74佢地个薄批Pizza全部即叫即做，批底不加入牛油或起酥油，以天然酵母发酵，只会使用橄榄油，好健康呀！今次分别叫咗两个pizza套餐。- 第一个pizza套餐包括一个8吋薄批炭烧鸡肉pizza、蕃薯条（配沙律酱）、凉拌沙律、鸡翼同芬达。Pizza馅料有鸡肉、蕃茄、青椒、芝士等，口感好丰富同惹味。炸蕃薯条入口有阵阵蕃薯香，脆口微甜。凉拌沙律有蛋黄酱、椰菜同萝卜丝，味道正常啦。蜜糖烧鸡翼食落甜甜地，几正。- 第二个pizza套餐包括一个8吋薄批香肠pizza、薯仔饼（配蕃茄酱）、甜醋沙律、鸡翼同可乐。Pizza馅料有香肠、翠玉瓜、蘑菇、芝士等，依款pizza芝士较多，拉到少量丝，好多翠玉瓜，系一个好健康口味嘅配搭。薯仔饼喺由薯仔丝、洋葱丝同萝卜丝组成，外层沾上薄薄粉浆，食落有阵阵洋葱香，几香口。甜醋沙律有黑醋、生菜、蕃茄仔等酸酸甜甜，好清新。