馬祖台灣養生湯麵館 (和安里)

营业中

休息中

今日放学之后，朋友话想食啲养生嘅药膳汤，就带左我黎呢间马祖台湾养生汤面馆啦。我地每人叫左款米线，同埋为左健康，每人都加左碟菜。同埋为食嘅我想食墨鱼春卷，就加左一份啦。药膳麻油鸡米线（走芫荽）$66呢个系朋友食嘅，一打开盖就闻到劲香麻油味。朋友都一路食一路大赞美好有麻油味。汤底系药膳汤底，甜甜地有好多红枣杞子同埋药材，相当养生。香辣养生汤农场鸡米线（走芫荽）$66有得拣大中小辣，我就拣左大辣。一揭开𠮶阵，见到个药膳汤底同朋友个药膳麻油鸡米线汤底一样，仲以为餐厅比错咗我。点知原来系有啲辣椒碎系鸡肉隔离，搅匀之后，个药膳汤底甜得黎又辣辣地，几好食㗎。同埋好欣赏佢呢个辣唔系落红油嘅辣，健康好多。米线分量好多，鸡肉又嫩滑，有鸡味，好食。上汤浸时蔬 $22其实汤底都系药膳汤底，菜系生菜，索晒药膳汤嘅味道，好食。药膳上汤墨鱼春卷（六粒）$30墨鱼春卷有六条，口感弹牙几好食。食完都觉得自己健康咗，下次可以再食。