好豆製研究所 (已結業)

呢间豆奶专门店刚开张嘅时候系有d替佢担心 净系独沽一味卖豆浆惊做唔住 不过好快成为热店 连市区居民都要专程入来元朗朝圣🤭 舖面黄到发光 大大只好豆公仔唛头好得意 边明玻璃柜有唔同口味豆奶 好多口味都好创新 包保响其他地方无见过 之前试过特浓豆奶 今日试下青瓜豆奶 望落好似好细支 但饮落都饱 可能因为真系真材实料唔系沟水哈哈 青瓜味好出但又同豆味好夹 仲饮到有细细粒青瓜嘅渣添 豆奶大部分无糖同微糖拣 今次拣左微糖觉得甜度刚好 虽然都要30蚊支唔算平 不过豆味好真实 绝对有别于坊间好稀嘅豆浆架 用饮一杯珍奶价钱但健康左！