Tea & Herb (已結業)

8月9日, 今日去咗揾呀菲食lunch, 我地喺炮台山行下行下, 喺一条几清静既横街, 冇乜人又冇车, 匿埋咗好多用心做食物的小店舖. 入到tea&herb, 坐低揭揭杂志, 望住宁静街景真系好舒服~::: 蛋沙律虾香草包三文治(2人份) + 甘荀汤 ::: $48先黎个汤, 热到出烟, 甘荀味道好浓, 饮得出一粒粒甘荀粒, 绝对系用心之作, 很好~面包有白面包, 麦包, 香草包等几种选择, 我地拣香草包真系冇错, 烘过既香草包好香, 一口咬落去非常脆而唔硬~ 中间既料除咗蛋沙律同埋虾之外, 仲有生菜同蕃茄~ 虽然简单但系味道非常丰富, 唯一系感觉d虾唔系太新鲜, 解冻唔够耐~ 份量唔多不过都好满足~::: 菠菜蚬肉忌廉汁宽面 + 沙律 + 日本甜栗茶 ::: $82沙律有d菜同小蕃茄, 加咗黑醋, 酸酸地几开胃~跟住黎个宽面, 忌廉汁浓郁, 卖相唔错, 菠菜蚬肉都落得多, 味道清淡而且有海水既咸味, 宽面几al dente~ 份量黎讲一个人食都可能未必够~ 少食多滋味~最后我地叫咗个名几特别既日本甜栗茶, 反而杯茶几大杯~ 以为系真系用栗子磨出黎, 点知都系用茶包, 唔新鲜~ 唔落糖