Vegtopia Café (已結業)

同事提议试新野，今次健康少少，去左间新开嘅越食素菜餐厅。餐厅都系位于工厂大厦楼上，谂住佢又新楼下又冇招牌介绍，应该冇咩人识「贡」上黎，结果又唔系㖞，上到去都坐左几台客。店内环境好清新，好多绿色植物同埋小摆设，感觉舒适。餐牌选择唔多，可能餐厅仲系新，好多菜色都删走左。我叫左个秘制越南扎肉汤粉，同事叫左个喇沙汤米线。扎肉汤粉好大堆头，好几款杂菜，未食都觉得好健康。主打嘅札肉口感比较散，同埋胡椒味比较重，我个人都系钟意食真札肉多啲。汤底比较清，同事试左啖觉得太淡口。同事叫嘅米线，颜色卖相唔错，佢话都够味，而且份量多，食完一碗饱晒。