大麥牛肉麵 (已結業)

收工去完做gym决定食啲健康野，斜路顶有呢间大麦牛肉面。睇左门口介绍话啲面系自家制，而且无落味精，好健康，啱晒我。呢度座位唔多，装修简单清新。一入到去老板娘就热情招待同埋介绍呢度既食物。餐牌第一个系招牌红烧牛肉荞麦面（$58）。台湾店比较少见荞麦面，所以决定试试。可以拣辣或者唔辣，我同朋友都拣左唔辣。自家制荞麦面，比平时我食开既荞麦面粗，成分健康啲，每一啖都好有麦既口感，少啲添加剂，少一份弹性，同食普通面既口感有啲分别。饮品有包装可乐雪碧柠檬茶，或者呢度特饮桂花酸梅汤。咁特别我地决定要个酸梅汤（$10）啦。酸梅汤系诚意之作，真系有酸梅系入面，无我想像中咁甜，加上桂花香，非常清爽。另外要左个卤水拼盘（$38）。卤蛋一只，鸡翼同鸡搥各两只。呢个就差少少，好似有少少干，同埋卤蛋未够入味。凉拌青瓜（$26）。青瓜爽甜，加上少少辣椒系上面，几开胃。份量好大，应该有成条青瓜！呢度食物同氛围都好有家的感觉。食材都行健康路线，价钱都唔贵，唔错。