Supabowl (已結業)

行紧皇后大道东经过汕头街既时候，见到有两个女士拎住一杯用椰子底载住疑似喺雪榚既嘢，好奇心之下就行左过去睇喺咩舖头卖既食物嚟，一行到去本身仲以为喺yogurt之类，睇真个牌之后先知原来系一啲superfood加上水果既食物。呢间舖头暂时只见到有卖四个食物，都系一啲唔同superfood连唔同水果既配搭，最吸引我既就系本身就好钟意食既火龙果做底既firebowl，叫左一个最细既份量嚟试下食先，因为即叫即做，所以都需要一啲时间先有得食，大约等左五分钟左右，而等既期间店员都好亲切咁同我哋倾吓计同介绍食物。Firebowl - 佢既面头喺粒状既火龙果同蓝莓加埋，而我亦加左$6要埋佢哋自家制既杏仁酱，食落去明显食到杏仁酱既材料好足，唔似出面既杏仁酱味道咁假，而除左水果之外，佢都有夹杂一啲亚奇籽喺入面，非常之健康，而中层就喺最主打既火龙果肉，食落去有啲似雪榚既感觉，因为估计佢哋喺整融左火龙果后再将佢雪涷而成既，食落去每一啖既果肉都好新鲜有质感最后一层就喺一啲脆脆，连埋雪涷左既火龙果食好正食完之后成个都好饱肚，好适合一啲喺附近返工既OL做代餐或者小食之选！