麵麵 (已結業)

想食得健康，鱼面真系一个唔错嘅选择，而讲起鱼面，一定会谂起唧唧鱼面！位于旺角嘅面面，就主打手工鱼面，鱼面每日新鲜制造，再包装成日式同西式嘅主食同小食，够晒吸引。花胶浓鱼汤Welcome drink就饮得多，嚟到面面，呢度就系welcome汤，一坐低，店员就会送上一小杯花胶浓鱼汤！鱼汤超鲜甜，鱼香十足，带有花胶香味，好好味。避风塘鸡翼新鲜炸起嘅避风塘鸡翼，外皮非常松脆，但略嫌唔够避风塘，反而更似蒜香炸鸡翼，但都非常惹味！鱼皮饺子配柚子汁嚟到炎夏，呢个鱼皮饺子真系必点推介！鱼皮虽然薄薄，但就非常烟韧，里面包住爆多嘅馅料，好有口感。而且清新嘅柚子汁，真系够晒醒胃。料理主菜都会配上前菜，今日嘅前菜有柚子萝卜、小紫薯同麻酱海苔。极尚鱼宴料理配鱼面鱼面同鱼乌冬嘅分别系鱼嘅比例，鱼面幼啲，但就弹牙好多，配料有鱼皮菜肉饺子、墨鱼春卷、鱼肉春卷、鱼蛋同虾，特别钟意佢个鱼蛋够弹牙之余，鱼味仲要系劲香浓，一啲都唔hea；而两款春卷系面面嘅名物，好好味。城寨回忆配鱼乌冬想食唔同嘅配料嘅话，可以叫城寨回忆，配料有鱼皮饺、鱼片头、鱼蛋、 牛肉丸同墨鱼丸。每粒丸都好香肉味同好爽口。而汤底嘅鱼味好香浓，真系可以成个汤