御老鍋台式火鍋 (已結業)

呢几日有朋友嚟香港玩， 住喺呢间酒店，话呢度有间台式火锅想试吓，于是一齐去食过中午饭。呢度装修都几有心思，坐得舒服， 而且店员细心服务， 照顾好所需，好啱一班人聚会。汤底方面，为咗唔热气，我哋拣咗芫荽皮蛋豆腐窝， 侍应介绍先饮汤，然后再开始打边炉。我哋叫咗个拼盘套餐，份量都唔细， 各种肉类，海鲜材料都几新鲜。 带子大大粒，而且非常新鲜。 仲有台式椒麻贡丸， 好友地道风味。当然唔少得香港买唔到嘅王子面， 即刻又返咗台湾嘅感觉。套餐都送一支清甜嘅龙眼杞子茶， 解油腻得来又唔太甜，几好。