Chip in Fish & Chips (已結業)

路过见到舖头门口摆放咗只卡通侦探猫 ，仲以为系cafe；原来系间英式炸鱼薯条店。舖头地方细，1个人顾店开放式厨房。室内摆咗2张小木台，加几个面壁座位。可能呢度主力做外卖生意，所以位置唔需要太多。点咗份细嘅炸鱼薯条，炸鱼薯条都系即叫即炸；肥嘟嘟薯条薯仔味甜。炸鱼柳应该系用鳕鱼（绝小食熟鱼所以唔太识分），炸浆唔系超厚食粉𠮶只；薄皮松脆的。鱼柳新鲜厚身，炸完都juicy唔干身。下次可以食个大size...调味料唔多选择，有醋同他他酱。点醋可以提升到个鲜味，不过我都系钟意他他酱多d。另外再点咗个肠仔包薯条，肠仔应该系买现成的；质素都OK。