影片
更多
2023-03-07
558 浏览
好少可晨早流流落元朗，见啱时间就去咗大围小馆排队等开门，大概10:15去到，门口有4-5组人等紧，店员大概10:25出嚟派飞，基本上开门前嚟到，头轮系轻松入座～似乎大围小馆嘅点心menu系会转款，见到网上有1月食评嘅点心纸同我今次嘅点心款式系唔一样，而且茶钱由$18加到$20，fyi我一年前食大围店系$15，真系物价飞涨！今次叫咗6样嘢：•老娘拆肉泥鯭粥$78•三色肠$48 （虾肠、牛肠、猪膶肠各一条）•眼泪奶黄包$40•鲜笋虾饺$48•手打墨鱼烧卖$44•鲜虾腐皮卷$44基本上我只食过虾饺，其他5款都未试过，我觉得最惊喜系鲜虾腐皮卷，炸得又香又多汁，好好食唔热气，最紧要冇落荽！食得超开心😃相反牛肠啲荽多到好似唔使钱咁（虽然人地都写明香荽牛肉肠🤪），中意荽味必叫🤣下次都系叫返净虾肠或甜梅菜叉烧肠，肠粉皮真系冇得输！猪膶肠略嫌味道寡咗少少。奶黄包唔记得影相🤣因为啲点心一次过黎晒咁滞，我哋就赶住趁热食🙈食得出奶黄包系旧时嘅味道🥹系未出现流沙包年代嘅做法，依家系香港真系买少见少，不过$20个包一啲都唔平呢！泥鯭粥实在系酒楼好罕见，拆肉真系极其麻烦嘅事，所以卖到$78一碗都好明白，配埋葱花&冬
似乎大围小馆嘅点心menu系会转款，见到网上有1月食评嘅点心纸同我今次嘅点心款式系唔一样，而且茶钱由$18加到$20，fyi我一年前食大围店系$15，真系物价飞涨！
今次叫咗6样嘢：
•老娘拆肉泥鯭粥$78
•三色肠$48 （虾肠、牛肠、猪膶肠各一条）
•眼泪奶黄包$40
•鲜笋虾饺$48
•手打墨鱼烧卖$44
•鲜虾腐皮卷$44
基本上我只食过虾饺，其他5款都未试过，我觉得最惊喜系鲜虾腐皮卷，炸得又香又多汁，好好食唔热气，最紧要冇落荽！食得超开心😃相反牛肠啲荽多到好似唔使钱咁（虽然人地都写明香荽牛肉肠🤪），中意荽味必叫🤣下次都系叫返净虾肠或甜梅菜叉烧肠，肠粉皮真系冇得输！猪膶肠略嫌味道寡咗少少。
奶黄包唔记得影相🤣因为啲点心一次过黎晒咁滞，我哋就赶住趁热食🙈食得出奶黄包系旧时嘅味道🥹系未出现流沙包年代嘅做法，依家系香港真系买少见少，不过$20个包一啲都唔平呢！
泥鯭粥实在系酒楼好罕见，拆肉真系极其麻烦嘅事，所以卖到$78一碗都好明白，配埋葱花&冬菜(好似系)加胡椒粉食几好，算好重泥鯭味🤣
个人觉得墨鱼烧卖系相对失色，几弹牙但做烧卖馅就好淡味，下次要试花菇金腿鲜肉烧卖！
张贴
