影片
更多
2020-12-03
52 浏览
好耐无约朋友食饭，见到Rimi Cafe经OpenRice Book有95折就决定试下～～餐廰有两边位置，一边系日式榻榻米，一边系卡位。布置简简单单，但好有文青嘅感觉！一坐低waitress就好热情咁招待我地，因为之前都有朋友介绍过呢间Rimi Cafe啲鸡翼好食，我哋就专登嗌嚟食下～我自己嗌咗个卡邦尼意粉 ，一上菜，我就留意到意粉上面撒满大大片芝士碎，好足料！酱料偏稠身沾满意粉又够Creamy，意粉软硬适中有咬口。对于我呢个本身细食嘅人嚟讲，份量啱啱好。Lunch Set跟一杯饮品，因为见到Cafe嘅花草茶／果粒茶系列好吸引，我就加咗$20嗌咗杯水蜜桃果粒茶。茶方面，有淡淡嘅蜜桃香，好天然，仲可以自己调节想落几多蜜糖，啱哂依家好多想少糖嘅朋友仔！仲要成壶茶份量好足，饮咗4-5杯都仲未饮完！大推荐！鸡翼方面，我地选择咗蜜糖芥末鸡翼～蜜糖芥末酱普普通通，但个鸡翼炸得好掂，外面脆脆地，入面啲肉仲好Juicy！同朋友慢慢食慢慢倾，坐咗接近2个钟～临走先发现Cafe仲有提供唔同board games，下次准备好嗌一大班朋友仔一齐上嚟玩下！！
餐廰有两边位置，一边系日式榻榻米，一边系卡位。布置简简单单，但好有文青嘅感觉！
一坐低waitress就好热情咁招待我地，因为之前都有朋友介绍过呢间Rimi Cafe啲鸡翼好食，我哋就专登嗌嚟食下～
我自己嗌咗个卡邦尼意粉 ，一上菜，我就留意到意粉上面撒满大大片芝士碎，好足料！酱料偏稠身沾满意粉又够Creamy，意粉软硬适中有咬口。对于我呢个本身细食嘅人嚟讲，份量啱啱好。
Lunch Set跟一杯饮品，因为见到Cafe嘅花草茶／果粒茶系列好吸引，我就加咗$20嗌咗杯水蜜桃果粒茶。茶方面，有淡淡嘅蜜桃香，好天然，仲可以自己调节想落几多蜜糖，啱哂依家好多想少糖嘅朋友仔！仲要成壶茶份量好足，饮咗4-5杯都仲未饮完！大推荐！
鸡翼方面，我地选择咗蜜糖芥末鸡翼～蜜糖芥末酱普普通通，但个鸡翼炸得好掂，外面脆脆地，入面啲肉仲好Juicy！
同朋友慢慢食慢慢倾，坐咗接近2个钟～临走先发现Cafe仲有提供唔同board games，下次准备好嗌一大班朋友仔一齐上嚟玩下！！
张贴
