易牙台式料理

营业中

休息中

好耐无食过台湾菜，𠮶日同朋友行开老铜就帮衬咗呢间易牙，装修唔错，又咁啱有得坐窗边，望街景，食嘢都开心啲 价钱以晚饭嚟讲就算系咁啦，我同朋友一人一个饭／面，我就食咗个红烧牛肉面，味道一般啦，牛肉几腍身同入味嘅，不过觉得个汤甜得滞，如果加多少少辣会再惹味啲，红萝卜都可以煮下再入味啲就更好。反而呢个醉鸡泡饭好出人意表，成碗饭好香酒味，个汤都啖啖酒嘅清香，鸡肉好滑重索晒酒味，但系酒味又唔会盖过鸡肉本身嘅味道，系恰到好处嘅！我哋再额外叫多点卤水鸡肾，好入味呀，加埋有汁呢，送饭一流呀！