芳華絕代 (已結業)

行紧去本来想去既Cafe途中,偶然见到呢一间外面贴有"香港加油"既黄店。就咁望入去间店舖有啲特色,好自然就将我同朋友吸引咗入去。原来呢度系食泰国菜,lunch set $60,价钱都好正常。除咗装修明显系有心机之外,亦都觉得呢个店名好特别。我哋叫左一个冬阴公车仔面(可以拣3个𩠌),一个香叶肉碎煎蛋饭,另外加咗一个冬阴功汤同埋一客素春卷。D食物好快陆续嚟到,香叶肉碎煎蛋饭配料都几多,虽然唔算好惹味,但系都唔差,女仔食绝对够饱肚。另外冬阴公车仔面就好大碗啦分量非常之多,女仔会食唔晒。需要一赞嘅系佢个冬阴功汤,味道好香浓好好饮,唔算好多料但系的确好香好浓,又唔会太酸。而素春卷就普普通通一般炸物啦。Lunch set可以加钱配泰式奶茶或者其他特饮,如果跟果汁嘅话就唔使加钱,有四种果汁可以拣,当然亦都有普通奶茶咖啡。最近写食评我都会讲话小店生意唔易做,今次都唔例外,呢段日子饮食业会比较艰难,希望大家一齐支持有心嘅小店,令佢哋可以到过难关。