康和懷舊車仔麵 (已結業)

獨自途經佐敦，唔想形單影隻去食煲仔飯，偶然見到有間車仔麵，就你啦～～菜單整齊企理，係一目了然嘅～十蚊一款麵底或者餸菜，就算想食筋腩都只不過係12蚊，價錢係同區黎講並唔會貴左而且選擇好多，心思思乜都想食，左揀右揀之下 最後都係揀左鍾意嘅雲吞、菜餃同雞翼，再搭個健康（偽）嘅米粉麵到喇～～就咁睇落好似平平無奇，但食落無味精、唔會確喉，呢樣抵讚另外，出街食雲吞，最驚啲皮煮到熔熔爛爛，好彩呢間無出現咁嘅情況，又係一個抵讚嘅地方最後影低左個開放式廚房出街食飯見到人地個廚房企企理理，食野都會安心啲。睇到啲野食一格格分類放好，又即刻加左分🤣🤣睇黎呢間以後可以再戰🤘🏻🤘🏻