賞茶 (已結業)

之前经过以为只卖台式饮品，到今日先知有套餐堂食。R君话因为佢晏d踢波，只会食少少野，所以拣左呢间。由于时间关系，佢影左menu俾我拣食咩。R君的煎猪扒拼花枝丸汤乌冬&冻日月潭红茶卖相几吸引，搞到我有d后悔无拣呢个。我食左一粒炸花枝丸（即系墨鱼丸），个样好似鱼蛋😂几弹牙同足料，唔系平时个d好实既假墨鱼丸👍🏻饮左几啖红茶，清清地，茶味唔浓又唔太甜，不错。我食盐酥一口鸡拼贡丸沙茶干拌即食面&热蜂蜜绿茶🍵我唔钟意食贡丸，兼其实想食有汤既野，但为了盐酥鸡而叫左呢个😗盐酥鸡外脆内嫰，贡丸都不错，唔钟意贡丸既我接受到，面系普通即食面😂起初睇menu觉得d食物偏向轻食，所以特登拣面，望落份量有d少，惊唔饱，点知食完岩岩好。总括而言，食物味道唔咸，唔会食完好口渴，份量适合细食或净系想食少少野既人😀p.s. 1 纸杯设计几特别，热饮同冻饮（好似）都系用纸杯。p.s. 2 自己攞食物同食完要回收返餐具同餐盘。