傷心酸辣粉 (科學館道) (已結業)

今日天气突然凉返，突然好想食酸辣粉，所以就决定伤心一下，我哋六点前到仲有下午茶餐，叫左一个口水鸡配酸辣粉（$45）再加杯冻柠茶（$5），望吓餐牌见到有个水煮肥牛好吸引（$139），决定叫埋丰富D提早食埋晚餐，仲有好多小食想食不过惊食唔晒最后只加左酸辣土豆丝（$25），全部都要中辣 🌶🌶酸辣粉保持水准，薯粉烟韧适中，酸辣汤底同Q弹嘅薯粉就系绝配，口水鸡鸡肉嫰滑，土豆丝惹味爽口，食辣嘢最惊唔够辣，呢间全部都够辣度🔥 终于等到水煮肥牛出场啦，哗！估唔到咁大锅，卖相非常吸引，一放上枱啲香味已经扑晒埋嚟，肥牛份量都算多入面仲有宽粉青瓜芽菜，香味够层次同最紧要keep到食到尾都够热，我哋全部清晒，望住友人流晒汗同流晒鼻水个样真系好伤心忍唔住笑咗😆💡呢餐每人$107，绝对系平食川菜嘅好选择！见到有得买伤心辣椒油，望啲渣已经觉得正，大大樽标榜冇添加剂都系$29 ，买咗一樽返屋企，一打开好香呀，听晚用嚟整凉拌小食先。