漁吉海鮮丼專門店

营业中

休息中

今日放工行街，途经观塘毅力工业大厦。听讲上边有一档鱼生饭几好食就决定试一试。睇佢哋嘅餐牌，鱼生饭嘅选择都算几多，几吸引我拣咗一个三文鱼亲子丼，我朋友就拣咗北海帆立丼。等上菜期间，留意到呢度系自助热茶嘅，而且环境清静，感觉好自由，好有弹性上菜～三文鱼亲子丼啲三文鱼大大块，Wasabi都系即磨，感觉唔系现成，十分有诚意。三文鱼好淋，好嫩，好肥美，入口即溶再捞埋啲豉油、三文鱼籽同埋Wasabi一齐食啲饭味道啱啱好。三文鱼籽一啲都唔腥，咸香咸香，值得一赞我都试咗一啲朋友嘅海胆同埋帆立贝。海胆质素ok, 都几鲜甜，帆立贝有炙烧，所以好香，入口鲜美。总结：整体鱼生饭质素高，所以价钱相对较贵，但值得偶尔善待一下自己。唔觉唔觉好快就食晒一碗。希望下次仲可以食到咁高质素嘅鱼生饭啦。