意八餐廳 (已結業)

放工后要特地去到沙田揾老姊拎返野，山长水远唔食个饭点对得住自己个胃？饿住返屋企嘅野我系唔会做。可惜塞一塞车，令原本已经迟，就更迟。要平得黎又可以比我快快手食完再拎野，系有啲难度，老姊拣左附近餐厅，话平得黎都好味。我饿过头，唔系好食到野，但见隔离枱食得咁开心，又咁大份，就同老姊share食，姐夫自己食一个！姐夫叫左鸡食...卖相几吸引，食落都叫做对得住个价钱！算唔错！我同老姊叫左呢个西冷，8成熟。原来，真系唔错！食落真系比返8成熟你，唔系全熟上。加上，肉质较冧，配埋黑椒汁，真系好惊喜！一百蚊唔驶嘅价钱，食到呢个质素，算系性价比高啦！