九龍餐室

营业中

休息中

今日同老公中午去咗嘉豪酒家饮茶,食饱饱之后就去咗西九龙中心行下,然后再去黄金电脑商场附近行,之后老公话有D眼训要饮咖啡提提神,望望表已经3点3,下午茶时间,不如就揾间茶餐厅坐低叹茶同休息下.其实成日听朋友讲,深水埗有好多正嘢食,但我同老公真系唔熟,于是就上openrice揾食,起初搜寻到附近有间好运阁好似唔错,但我又想揾多间比较下,之后就揾到行番远少少的九龙餐室,呢间嘅like多D,我又钟意佢个名,就试下呢间la!行到九龙餐室,当时门口有4个人等紧位,但因为我同老公2个人,所以就唔使等,坐咗一边卡位. 个位真系好窄,坐低𠮶阵仲膝头顶到对面食紧嘢嘅小姐,真系唔好意思! 其实我都未肚饿,所以叫咗蛋挞+红豆冰($26),而老公就叫咗特大菠萝包餐($32),饮佢最爱饮的热咖啡.刚落order,转头蛋挞就上枱,个面裂咗,仲要好似个笑口咁! 过多阵,其它食物同饮品都到了,可以齐齐开餐了! 呢度嘅蛋挞单卖$6个,比都几出名的新华$5还贵,但真系贵得有道理,咬咗一啖,D蛋浆快要流下来,正!!! 至于红豆冰,红豆的份量都有半杯,D红豆暖暖地,所以饮起嚟唔太冻,正啱我心意!而老公叫的菠萝包,又真系几特大,