永珍越南食館 (已結業)

见新开，所以试下个午餐。门口大大个午餐牌写住$43包热饮，甘唔算贵啦。 入到去坐底睇见餐牌细细只字写住星期六日另加$6，先觉得揾笨。然后，餐牌上有幅图几吸引，就问收银亚姐系咩黎，佢就话系茄汁牛腩，甘听落都唔错，甘咪叫啰。 黎到就知道中左伏，原来系茄汁沟水，一嚿蕃茄都无，无呢诚意，个味重衰过大x活果种茄汁。 牛腩又唔冧，少得黎而且又细嚿。另外重叫左一个煎蛋薄荷叶肉碎饭，黎到先知唔系炒饭，跟著问个收银，佢好串甘答：「呢个不嬲都系白饭底！」。 我睇返餐牌，的确无个「炒」，甘无计啦。只不过我一向食开果啲香叶肉碎饭系炒，所以大失所望啫。 总括而言，呢间餐厅偷工减料，唔好食，我唔会再帮衬！