快樂小羊火鍋料理 (大鴻輝(荃灣)中心) (已結業)

3间分店快乐小羊都有去过食超码有十次，觉得快乐小羊系一间唔错既打边炉既铺，今次系第二次到荃湾分店打边炉，下就2点零钟去食，得我地一台，员工都无咩做，行行企企，问拎调味料，眼神表示得唔情愿，其实如果佢调味料开放出黎比客人拎我唔洗麻烦佢，次次去亲快乐小羊都有叫牛羊大并盘，今次都唔例外，黎到我唔认得佢，我屋企人问点解同之前咁唔同先知原来系个碟，偷工减料，羊同牛比少劲多，叫左员工行过讲话碟野个样同之前好唔同，其他分店唔会咁，就算之前系呢间食过一次都唔系咁，咁个女员工叫左经理，我地比埋之前系呢间食既相经理睇啦，根本少劲多，个样差劲远，经理去厨房了解，出黎答覆话牛系同一批货，但个问题系讲紧偷工减料得太明显，又唔系咩繁忙时间，食足全场得我地一台都要咁？另外有叫3色滑，食既时候虾同羊滑今次个味劲怪，同平时食唔同，虾滑晦既，羊滑平时系我最钟意食，但今次系怪味。荃湾铺今次唔多掂档。土豆粉叫一份都系比之前少，但见员工咁既服务态度都癈事出声，唯有上黎打番比会睇食评既人要小心羊肉串就一样咁好食。到埋单时，每300蚊会送一张100蚊优惠卷，咁食左600几蚊，正常系比2张，咁得闲都可以比错，比一张。d员工已经无野做