影片
更多
2019-09-24
1767 浏览
水墨青花 (旺角)旺角旺角道97号华懋王子大厦1楼H室-----返工返左成个礼拜 难得到左周末 就想约下朋友出街 行行逛逛 hea一hea 轻松一下 奈何室内商场人头涌涌 非常挤逼 室外天气闷热 系条街到行黎行去 又热又晒 B仔就提议朋友仔揾间coffee shop坐下 凉凉冷气 当我地揾紧附近有咩Cafe嘅时候 揾揾下突然比我地揾到呢间 个名非常具文青气色嘅茶室 由于旺角cafe多到眼花缭乱 所以呢间茶室就喺众多Cafe入面显得格外脱俗😄-未去过茶室嘅我地 本身有d担心入面全部都系老人家😂点知上网详细research下发现 茶室原来系一个90后靓女开嘅 由于系后生女做老细 感觉应该会比较年轻化 所以我地就抱住冒险试新野心态 上去一探究竟😁-茶室装修风格清幽淡雅 以黑白为主调 有超大采光玻璃窗及两张四人台 隔声做得非常好 一闩埋门 就完全听唔到旺角闹市嘅噪音 系网上见到嘅靓女店主唔系铺入面 不过好彩都有一个好温柔斯文嘅靓女店员系到招呼我地☺️-茶室以计时任饮嘅模式经营 每人每个钟$48其后每小时$15 除左少数特别贵价嘅茶要另外加钱享用之外 其余各式各样嘅绿茶 白茶 乌龙茶 红茶 黑茶等
旺角旺角道97号华懋王子大厦1楼H室
-----
返工返左成个礼拜 难得到左周末 就想约下朋友出街 行行逛逛 hea一hea 轻松一下 奈何室内商场人头涌涌 非常挤逼 室外天气闷热 系条街到行黎行去 又热又晒 B仔就提议朋友仔揾间coffee shop坐下 凉凉冷气 当我地揾紧附近有咩Cafe嘅时候 揾揾下突然比我地揾到呢间 个名非常具文青气色嘅茶室 由于旺角cafe多到眼花缭乱 所以呢间茶室就喺众多Cafe入面显得格外脱俗😄
-
未去过茶室嘅我地 本身有d担心入面全部都系老人家😂点知上网详细research下发现 茶室原来系一个90后靓女开嘅 由于系后生女做老细 感觉应该会比较年轻化 所以我地就抱住冒险试新野心态 上去一探究竟😁
-
茶室装修风格清幽淡雅 以黑白为主调 有超大采光玻璃窗及两张四人台 隔声做得非常好 一闩埋门 就完全听唔到旺角闹市嘅噪音 系网上见到嘅靓女店主唔系铺入面 不过好彩都有一个好温柔斯文嘅靓女店员系到招呼我地☺️
-
茶室以计时任饮嘅模式经营 每人每个钟$48其后每小时$15 除左少数特别贵价嘅茶要另外加钱享用之外 其余各式各样嘅绿茶 白茶 乌龙茶 红茶 黑茶等等都可以随意无限任饮 种类非常之多 而茶嘅饮法则有三种 第一种系盖碗 即系俾个有茶叶嘅茶杯你自己冲茶 第二种系玻璃茶壶 即系店员会帮你用热水冲制茶叶 再摆喺蜡烛上面加热 等你可以轻轻松松咁系茶壶到倒出嚟慢慢品茶 最后一种就系冷泡樽 即系店员会预先冲泡好 摆喺玻璃樽入面雪冻比客人饮 三种体验可以自由选择 你钟意嘅话可以三用都体验晒都得 😁
-
由于朋友赶住返屋企食饭 所以我哋只逗留左大概一个钟左右 由于时间得短短一个钟 所以我哋净系试到两种茶 分别系冷泡2019年白牡丹王 同埋阿里山红乌龙 前者冰凉透心 花香突出 饮落清新甘味 后者则浓醇并存 入口温润 两者各有各嘅层次 各有各嘅特色 比起市面上普通台式茶饮店嘅纯茶真系过之而无不及
我哋一人攞咗一本书 一边叹茶 一边享受呢种好似与世隔绝般嘅片刻宁静 系个一刹间 真系有种烦恼一扫而空嘅感觉 非常relax
可惜快乐嘅时间过得特别快 由于我哋仲有好多茶想试 但系又要赶住走 所以就直接买咗一盒有八款味道嘅茶返屋企试吓😆
-
♥︎除左茶之外 餐牌内仲有好多款唔同嘅佐茶小食 价钱大部份都系10几蚊就有交易
-----
👶🏻B仔整体评价：8.4/10个👍🏻
👶🏻B仔抵食程度：8/10个👍🏻
👶🏻B仔环境评分：8/10个👍🏻
👶🏻B仔味道评分：9.5/10个👍🏻
👶🏻B仔回头机会：8/10个👍🏻
-----
☺️快D跟住B仔一齐吞食香港啦！🤤
张贴
