Youniqueed (已結業)

是日早放又未够钟上堂，就揾左呢间Cafe黎试啦。差唔多五点先黎到，好彩赶得切last order，留意虽然佢地系尖沙咀，但6:00pm就关门架啦。店面坐位唔多，最尽大概十个，好适合两个女仔黎谈心。餐牌都系轻食为主，自己又唔想太饱，所以就净系叫左个牛油果Bagel ($48)加杯热Latte($43)，偷得浮生半日闲，食个tea望住岀面都几爽。想赞下待应好贴心，会问热饮洗唔洗一齐上☺️等左大概十分钟，就两样一齐新鲜热辣咁送黎。卖相都几靓，完全见哂牛油果切得好靓咁放系bagel上面，bagel都系两面烘过再搽上牛油，炒蛋亦唔会过老，而且都有淡淡牛油香。伴菜有沙律菜同切左哈哈笑嘅蕃茄，感觉窝心！Latte都不过不失，唔会过酸。Menu亦有其他创意饮品，如果想去间可以有自己静静地嘅时候，不妨一试！