Bostonian Seafood & Grill (已結業)

上星期去食呢间weekday semi buffet lunch , 378 蚊有主菜，自助海鲜沙律吧，甜品同餐饮。沙律吧有parma ham, smoked salmon, 炒菜，等等。海鲜有琵琶虾，冻虾，青口，螺，同生蚝。生蚝有三款，纽西兰，法国同爱尔兰，虽然size 唔算好大只，但新鲜有海水味，最甜系纽西兰，爱尔兰石蚝则比较爽口，法国比较creamy.虽然系美国餐厅，但刺身寿司一样有。焗带子，仲有焗蚝。主菜芝士焗牛柳，牛柳嫩滑又juicy, 加香口嘅焗芝士，非常出色。煎鳕鱼配牛油果汁，鱼够滑唔腥，但牛油果汁无咩味。甜品野莓雪芭，酸甜清新，消滞。意大利芝士杯，芝士香滑，唔太甜，有咖啡酒香味。总括环境不错，服务正正常常，唔算太平，但食生蚝同牛柳值回票价。遇著闲日放假嘅话，系叹lunch 好选择。