影片
更多
2021-03-12
880 浏览
聚会交畀我谂地方，最啱应该都系打边炉，我又比较喜欢台式的，所以㨂左未食过的「凑凑」，不过食完后上网睇，先知原来系内地品牌⋯还好我谂应该都只会只此一次，因为佢价位颇贵，埋单3人差不多要$1200。汤底有几多选择，可以双并。今次㨂左励志锅（台式麻辣）+食妆锅（花胶鸡），每款$138。台式麻辣冇得畀人㨂辣度，佢标示有3只辣椒，但由头食到尾都唔觉得辣（利申我只食到中辣程度），嗜辣嘅可能要加辣，药材味亦唔浓，整体感觉都系温温吞吞咁。不过佢好在里面的豆腐同鸭血可以续添，钟意食嘅唔可以错过。至于花胶鸡就好足料，汤底好浓郁，仲有唔少花胶（但质感似猪皮），不过好黐底，要成日keep住搅。特选牛小排（$228）：油花都算多，而且有牛肉味，系有少少咬口𠮶种，同麻辣几夹。表面睇分量好似好多，其实下面铺左菜。飞鱼籽墨鱼滑（$68）：呢个真系好食，墨鱼鲜味爽弹，大量的飞鱼籽增加咸香同爽脆口感。海鲜棒棒糖（$58）：卖相好得意，其实都系鱼胶啲friend，应该一款系虾胶，一款系墨鱼胶，唔算特别，唔多弹牙，只系影相一流。丸类拼盘：（$108）：包括牛筋丸、虾丸同鱼丸，除咗虾丸之外，其余的味道唔突出。响铃（$58）、油
汤底有几多选择，可以双并。今次㨂左励志锅（台式麻辣）+食妆锅（花胶鸡），每款$138。台式麻辣冇得畀人㨂辣度，佢标示有3只辣椒，但由头食到尾都唔觉得辣（利申我只食到中辣程度），嗜辣嘅可能要加辣，药材味亦唔浓，整体感觉都系温温吞吞咁。不过佢好在里面的豆腐同鸭血可以续添，钟意食嘅唔可以错过。至于花胶鸡就好足料，汤底好浓郁，仲有唔少花胶（但质感似猪皮），不过好黐底，要成日keep住搅。
特选牛小排（$228）：油花都算多，而且有牛肉味，系有少少咬口𠮶种，同麻辣几夹。表面睇分量好似好多，其实下面铺左菜。
飞鱼籽墨鱼滑（$68）：呢个真系好食，墨鱼鲜味爽弹，大量的飞鱼籽增加咸香同爽脆口感。
海鲜棒棒糖（$58）：卖相好得意，其实都系鱼胶啲friend，应该一款系虾胶，一款系墨鱼胶，唔算特别，唔多弹牙，只系影相一流。
丸类拼盘：（$108）：包括牛筋丸、虾丸同鱼丸，除咗虾丸之外，其余的味道唔突出。
响铃（$58）、油条（$28）：唔驶讲，吸汤力一流，但唔好放麻辣𠮶边，会吸晒啲油。
金菇（$38）、午餐肉（$28）：想像中的味道。
自助项目包括前菜同水果，凉拌鱼皮出奇地好食，辣辣地又爽脆，好开胃。而每人都会强制收取$19酱料费，佢提供的酱料都算多，餐牌上都有建议配搭，可以作参考。
差不多食完会送上沙冰同梅子果冻，沙冰系乳酸味（不定期换），几好饮，果冻有好清香茶味。
比较特别系呢度提供好多台式饮品（火锅店较少有），大红袍奶茶（细杯$22）茶味几出，唔系好甜，味道唔似平时饮开的台式奶茶，可以一试。
好耐冇见，就咁轻松倾下食下就两个钟（赶10点收档），下次时间充裕啲再食过。
张贴
