Heima Heima

营业中

休息中

好耐都没去长洲Hea下，今次趁冬至前夕，就约埋朋友搭船入长洲又玩又食先。入到长洲都11点几了，人又唔系咁多，又唔系咁肚饿，谂住行阵先食。行吓行吓就行咗去西湾天后庙𠮶边，途中就见到呢间睇个门口就已经觉得好文青的Heima Heima，装潢唔多，简约得黎带有一股恬静气息，远离尘嚣令人感到好悠闲舒适。于是就吸引咗我地入去坐了！而入面好有日式家居feel，好似自己屋企咁，凉风轻轻吹着，令人身心感到放松。我谂系度食嘢应该几享受。未系好肚饿的关系，所以每人都只叫了一杯饮品同一款甜品然后大家开心share食。我地分别叫咗Today’s Special的柚子抹茶芝士蛋糕同啤梨杏仁批，同埋柠檬蜂蜜及Mocha。呢个咁靓就系啤梨杏仁批，热辣辣上枱梨香扑鼻。批边香甜松脆，蛋糕口感厚实带有香浓的杏仁味，而且啤梨香甜，加上忌廉一齐食，令成个批的味道非常融洽，好食啊。而呢个就系柚子抹茶芝士蛋糕，上面浅黄色的cream系清新怡人的柚子，而下面茶绿色的蛋糕口感就好soft同creamy，每一口都有好浓郁的抹茶香，茶的苦涩味同柚子清甜味非常夹。系咁恬静的环境下，慢慢咁品尝啲咁好味的甜品，呢个中午过的好写意悠闲。