半路咖啡 (已結業)

公司楼下开左间新cafe，lunch有同事食完饭话想试下，于是落order去买。其实地点系有d隐蔽，文武庙附近都有好多楼梯，而佢真系无改错名，位于其中一条楼梯既半路中间，唔系果头打滚都几难揾。唔知系新开关系，定还是希望大家坐低慢慢叹，佢无外卖咖啡兜（即系一个兜装到几杯果种），同事要班马帮手拎咖啡，佢一对手无可能拎到6杯甘多。佢既咖啡选择唔算多，反而茶既选择更多，除左饮品，都有d轻食，不过眼见坐系到食既客人都系饮野为主。无论堂饮，定系外卖，都系用「万寿无疆」杯，都几得意，因为要等佢逐杯逐杯冲，所以都系餐厅待了一阵子，餐厅环境真系几文青feel，餐厅门口仲放左张长椅，坐出去叹住咖啡吹水仲舒服，里面只有2张细台，其余都系高台。终于冲齐6杯，拎返上去饮，无谂过外卖佢都逐杯拉花，虽然拎到返上去都摇散左，但仲忍约睇到个心形（挂住做野，唔记得影相），队长饮cappuccino，奶泡都够rich，但唔够企身，搅两搅就散晒，而且咖啡唔够香，咖啡豆好似无炒过，饮落唔香咖啡味，而且杯咖啡只系微暖，由楼下返上楼都系5分钟时间，无可能冻得甘快，星星咖啡果杯都好饮过佢。当然，佢sell既系文青环境，如果有时间坐低