神經餵飼 (已結業)

香港人容易精神紧张已经唔系第一日嘅事，所以第一次听到呢间Cafe嘅名，就好奇呢间小店到底点样可以「Feed Your Nerves」？系咪真系可以好似店名咁治愈我地绷紧嘅神经？终于，趁有时间，就好好会一会呢间「神经喂饲」。一入到呢间Cafe，果然非常文青。可以透日光嘅落地玻璃，白色嘅木凳，木台上摆有干花，完全系为文青及伪文青们等阵影相而设。喜欢的话，可以选择坐Bar台，都系另一种风味。讲返食物，闻说呢间Cafe无既定菜单，每日厨师都会将菜式写喺透明板上，俾食客唔同嘅惊喜。而饮品会另外有个Menu俾食客选择。俾真伪文青们影下相、Hea一个悠闲嘅下午，确实不错！饮品不过不失，都算几fresh下。沙律卖相认真麻麻地，但食落酸酸地，几开胃！原本对呢个都无乜期望，但食落意外地钟意，口感好丰富。另外，原本对佢个伴碟菜更加无期望，点知食落酸酸甜甜，更加无办法抗拒。最尾成份嘢食到干干净净，好满足：）唯一美中不足嘅系，D员工倾计倾得太大声。如果我想静静地睇下书、同朋友倾下计，其实都几受影响。