影片
更多
2022-05-22
55 浏览
软禁太耐 平时依靠旅行叉电嘅我 好需要揾间有返乡下感觉嘅餐厅黎慰藉下 呢间绝对胜任 小日本嘅环境 以至食物嘅精致程度 仲有员工嘅服务 都好似去左日本嘅隐世小店咁 同朋友黎饮返杯 食下嘢 可以hea足一晚 而呢间餐厅嘅食物亦都唔系常见之物烧沙甸鱼苗干 又薄又脆 十分香口 鱼仔香味十分浓郁 真正嘅食到渣都无食 送酒一流柑橘醋配海蜇本身海蜇好难入味 但系因为厨师将佢切到好幼 令到佢嘅挂汁度非常高 每一啖都充满住柑橘醋嘅味道 酸酸甜甜 十分开胃 海鲷薄切Food Art一样 灯影海鲷 令我明白到 刺身唔系厚就好 因为佢系薄切 有入口即溶嘅感觉 另外佢加左少少柚子醋喺面 唔需要点豉油都好好味 仲有佢on side嘅唔系普通wasabi 而系山葵渍 夹少少落块sashimi包住一齐食 so fresh!!!军舰三貫海胆、拖罗鱼蓉、蟹膏蟹肉军舰海胆冧到Jenga一样！拖罗鱼蓉味道鲜甜 而蟹膏蟹肉俾朋友夹左一大啖之后都不减成件军舰嘅表现西京烧银鳕鱼好多地方因为成本关系 都会用鳕鱼当银鳕雪卖 但系呢间嘅系真。银。鳕。鱼！ 点分? 层皮黑到个朋友以为烧㶶左 跟住佢嘅油多到可以啷口咁滞 啲肉滑到入口即溶
软禁太耐 平时依靠旅行叉电嘅我 好需要揾间有返乡下感觉嘅餐厅黎慰藉下 呢间绝对胜任 小日本嘅环境 以至食物嘅精致程度 仲有员工嘅服务 都好似去左日本嘅隐世小店咁 同朋友黎饮返杯 食下嘢 可以hea足一晚 而呢间餐厅嘅食物亦都唔系常见之物
烧沙甸鱼苗干
又薄又脆 十分香口 鱼仔香味十分浓郁 真正嘅食到渣都无食 送酒一流
柑橘醋配海蜇
本身海蜇好难入味 但系因为厨师将佢切到好幼 令到佢嘅挂汁度非常高 每一啖都充满住柑橘醋嘅味道 酸酸甜甜 十分开胃
海鲷薄切
Food Art一样 灯影海鲷 令我明白到 刺身唔系厚就好 因为佢系薄切 有入口即溶嘅感觉 另外佢加左少少柚子醋喺面 唔需要点豉油都好好味 仲有佢on side嘅唔系普通wasabi 而系山葵渍 夹少少落块sashimi包住一齐食 so fresh!!!
军舰三貫
海胆、拖罗鱼蓉、蟹膏蟹肉军舰
海胆冧到Jenga一样！拖罗鱼蓉味道鲜甜 而蟹膏蟹肉俾朋友夹左一大啖之后都不减成件军舰嘅表现
西京烧银鳕鱼
好多地方因为成本关系 都会用鳕鱼当银鳕雪卖 但系呢间嘅系真。银。鳕。鱼！ 点分? 层皮黑到个朋友以为烧㶶左 跟住佢嘅油多到可以啷口咁滞 啲肉滑到入口即溶 煎到外脆内软 层皮脆到喊出黎 面头嘅味噌唔会过咸com哂啲鱼嘅鲜味 🤤
清酒煮蚬
浓浓嘅sake味 闻到都醉 蚬嘅份量绝对唔少 平时食蚬壳类食物 总有一两粒有沙食唔到 但系佢一粒都无 系一粒都无呀💁🏻♀️ 平时如果有嘢垫底 顶尽都系用粉丝 但系佢系用日本先兴用嘅葛丝 配合埋佢个sake汤底一齐食 纵使食到最尾食唔落都唔舍得嘥呀🤤
张贴
