豊勝手丼 (已結業)

唔知几时可以再飞日本嘅日子，唯有四围揾吓好有日本感觉嘅日本餐厅食吓，解吓返唔到乡下嘅思乡病。今次拣咗登龙街嘅豊胜手丼，系有次喺隔离大厦食饭前经过见到餐厅装修真系好日式感觉，仲要卖紧嘅丼饭又唔系好贵，所以就嚟试吓。黄昏六点嚟到就唔使等位。今次叫咗一个北海云丹丼+蟹甲罗烧食过日本菜嘅人都应该知云丹即系海胆，而我就好钟意食海胆，所以喺餐牌见到就二话不说就拣咗呢个。北海云丹丼嘅刺身有随咗海胆外，仲有赤虾、拖罗蓉胆同埋油甘鱼，海胆包埋紫菜&拖罗蓉一齐食，真系好好味。而另外点咗嘅蟹甲罗烧，拎埋嚟送饭，竟然可以食哂成碗饭，真系好好味！