BBQ 7080yo (已結業)

基本上每星期都梗会有一餐系食韩国菜，辣得嚟老婆又食到，选择又多（指韩烧又得，唔韩烧又得）。今日LUNCH就试咗LEE间，环境尚算OK，舖内都宽敞位多，系暗咗小小。但食物方面真系有D失望，其实卖相都真系唔错，不过…　就系食完好口干同想饮水，宜家系香港食饭都好少会系咁，所以忍唔住咁讲。前菜同一般韩国菜舖头一样，有泡菜，芽菜，白菜仔，都系好味道就唔多讲喇！午餐时段，仲包饮品，讲到价钱大众化算抵食嘅。牛肋骨汤：可能唔系时令食材，白萝卜有D干，唔够清甜，但佢比咗好多旧，牛肋骨普普通通，有D靱，不过牛肋肉一般都系咁，个汤底就有D咸，清清地咁啦！海鲜纯豆腐辣汤：真系比较逊色，可能系一分钱一分货吧！辣但唔够惹味，一般食开𠮶D都会忍唔住饮埋D汤，但今次LEE个就真系唔会，可能系佢个泡菜唔系我喜好𠮶种，材料感觉上差小小，汤底无咩鲜味。